Link zu WSL Hauptseite Eidg. Forschungsanstalt für Wald, Schnee und Landschaft WSL
 

Osis Chässprüch

Zur Pensionierungsfeier von Madeleine Goerg. 25. Januar 2008

Zum Abschied vo der Madeleine wett ich hit,

Zruggluäge uf de abgschlosseni Zeytabschnitt.

Parce que je vois beaucoup d’amis francophones

Je ferai en français quelques conclusions.

Fällt es mir auf Französisch nicht gerade ein,

Kann es auch mal Hochdeutsch sein.

Von den Vereinigten Staaten von Amerika

Sind heute glaub’ ich keine da.

Was mich agad, cha-n-ich das zwar

Nur fir di letschte sib’zeh Jahr.

Mer sind ja uber diä Jahre hi

Ab und zue i der gleyche-n-Einheit gsi

So gnai cha das hingäge

Bi dem Chaos niämmer säge.

Me hed - wobey das eys nid steert -

Nid immer me gwisst, wer zämägheert.

Während die neue WSL entstand,

Hatte keine Einheit lange Bestand.

D’Einheite hend sich fast täglich schwär

Verändered gegenuber em Tag vorhär.

Ai Cheffe hemmär ja

E ganzi Reihe duregla.

Jede macht Karriere, e richtigi Inflation

Nur fir Fraiä isch d’Gruppeleitig Endstation.

A ce qui concerne le cadre : en somme

Le WSL est toujours un bastion des hommes.

D’Madeleine und ihre Fiärigsstil

Passid nid uf das Aforderigsprofil.

Bekanntlich hed me fir eysi Fiärigscrew

Meischtens e cley uisgfallni Figuire gnu.

Für die Hausleitung kommt nur in Betracht

Wer in erster Linie Wirbel macht.

Ai es guäts Programm z’mache

Isch nid jederfraue’s Sache.

Mid vorhandne Mittel eigene Leyt

Chunnsch zum Beyspiel gar nid weyt.

Wotsch uf der Chärnkompetenz vo der Buide bleybe,

Chasch es grad i s’Chämi schreybe.

Zelle Baum zum Beyspiel wär

Entschide z’interdis-zip-i-linär.

„Spitzenforschung!“ tönt’s vermessen

Und die eigenen Stärken gehen vergessen.

S’ Waldsterbe hemmer niä ganz uberwunde

Und d’Bude hed iri Position sidher niä me gfunde.

E huife Jahre hed es eys gkoscht’,

Hemer nid uf d’Madeleine g’lost.

Madeleine constate avec un coup d’œil par le microscope :

Le dépérissement des forêts, c’est un flop.

Diä Bude stiäng hit besser da,

Hätte mer d’Madeleine als Direktorin gha.

Le WSL irais mieux, selon toutes les analyses,

Si Madeleine était notre directrice.

Um sich vo dem Huis abz’setze,

Isch’s gar kei schlächte Zeytpunkt jetze.

D’Uiswertige vo allne Indikatore

Lad schlimms erwarte fir d’WSL vo more.

Schläpfer 12 Jahr, Broggi 6 und Roost nu drey

Jetz rächnid selber fir de Ney!

Der neue Direktor ist schon verreist,

Bevor du seinen Namen weißt.

Wiä me ’s ai wott wende oder dreie:

Es gid nu meh vo dene Reihe:

Wihler, Frei, Wunderli, Wolf

Spilid unterdesse Golf.

Vo Büre, Schneider, Lüthi gänd enand

In immer schnellerem Rhythmus d’Klinke i d’Hand.

Irgendwie verdächtig schnelle

Verlassen die Leute ihre Stelle.

Umgekehrt nämid Reforme da

immer es gressers Uismass a

Benchmarking, Broggi und Evaluation

Und der vorleifig Hehepunkt: d’ Reorganisation.

Wenn me sich das weyterdänkt,

Isch guet berate, wer ’s sich schänkt.

Wie es bei uns wird weitergehen,

Ist im Moment nicht abzusehen.

Drum Madeleine bis froh,

Bisch dem rechtzeytig nu entcho.

Ich winsche diär a dere Stell

Alles guäti fir deys Läbe nach der WSL.

Pour finir je veux te féliciter

De ta mise en liberté.

 

Spacer